السلام عليكم
جمعه مباركه على خششكم
هذا الله يسلمكم كنت قاعده اتغدا مير يدق التلفون..
امي :حسيس يامال المرض
انا: هاااااااا الله ياخذ حسيس
امي:ردي على التلفون ماتسمعين يامال قطع الاذاني
انا:زين.. واروح ارد وياليت مارديت انعن ام صوته خقق ياويل حالج ياحسوسه
انا والاكل في فمي: الوووووووو
هو: الو السلام عليكم
واشرق كح كح كح واخبط ظهري<يدي تطول عاتي
انا:و و ع عليكم السلام يابوي على الصوت
هو:هلا قلتي شي
انا: لالاابد سلامتك ...
وامي: حسيس منهو.. وافرك رجلي بالارض يارب تسكت يارب بضبط هالخقق
انا:هلا سم
هو: هذا بيت خالد<علينا سوالف الشباب عارفينها قسم
انا: قصدك خالد عبدالرحمن والا غيره <ياسماجتج ..
واضحك بدلع ه ه ه ه<قسم مولايق
هو: بالله دمج خفيف... <بمدح روحي كيفي
انا :الله يسلمك من ذوقك قسم
هو :يعني تسمعين لخالد
أي :والله اسمع واموت على أي واحد يسمعله<تضبطه
هو :انا اموت عليه<الله من النصب كل هذا خاق على صوتي
< افرض يعني مثلا شكلي نفس رباب او ان دوبيه نفس شعبله بالله تخق على صوت<علمي نفسج
المهم
انا: يالله جد تسمعله
هو: أي والله <ان لله يعني متى ناوي يتنحنح ويعزمني شكله مطول ابداها انا احسن
انا مسويه ذكيه:اممم معليش يعني بسكر عشان بلبس وبروح السوق الساعه اربع بالضبط
موبالضبط يعني اربع وخمس هيك <الغبي يفهمها
هو: جد مشالله صدف انا ناوي بعد اروح لنفس السوق
وانا اضرب يدي بالطوفه هيييييا ضبطت.. اها تيب يعني شسوي لك<لازم اسوي ثقل
هو:لاابد بس انا اول محل اجيه محل عطورات<اقص يدي اذا مومعفن لك شهر
انا:اي صح انا لازم امر عليه يالله اسمحلي
هو:لحظه نلتقي هناك ..انا :لالالا عيب<عشان اكبر بعينه
هو: اجل خلاص الله معاج
انا: ياشينك لاصدقت اي نلتقي بس شلون اعرفك<وين الثقيله
هو: بلبس شماغ وثوب
انا:غبي انت كل الناس شماغ وثوب
هو: لالاشماغي غير ملكي ..وانا الي سحت خلاص خقق وكوشخه
زين زين خل كرت الشماغ فيه عشان اعرفك لان للاسف مانعرف الملكي
حدنا شماغ بروجيه ويخب على عماني
هو:اوكي بمسك بيدي جوالين زين
أي: زين زين خلاص
واقوم اقلب البيت فوق تحت وانط على اختي بالسرير<عاتي عايشه مع قروده.. وانا الي اهزها
قومي قومي لاول مره حظي زين ضبطت واحد خقق وكوشخه يارب يكون من نصيبي اختي تقوم وتفز قولي قسم
انا :قسم قسمات خق على صوتي شفتي ماني بهينه وبشوفه بالسوق يمكن يارب يعجب فيني ويخطبني
اختي: لاوالله بكيفج هو غش تاخذين واحد خقق وكوشخه وانا انشالله
انا:قومي البسي ونضبط اخوه ونصير انا وياج متزوجين اخوان<وتخطط بعد منتي سهله ياحسيس
بس هاه اكشخي زين ونلبس ونكشخ وانا قلبي يرتعد كما ضريسات العجيز لاذبحها برد
ويدي تاره على النقال وتاره على الباب يالله متى نوصل
اقول لاختي: تصدقين احس اني في تركيا<اعذروها عمرها ماسمعت الرومنسيه
اختي تهبدني :تركيا وحنا بهالحر والغبار
انا: المهم اني التقي في فارس احلامي<وسبدي عني
وقفنا عند السوق ومير يجيني تشنجات في رجلي..اختي :هاه شفيج
انا :الله يلعنها من رجل مالقت تخمد الا الحين عزالله حظي واعرفه
اختي: خلاص اقعدي لين تصحى
انا: شنو اقعدي لين تصحى مهبوله انتي انا الدقيقه تعدي علي سنه<اخص ياللي ضاربه الرومنسيه بالطوفه
وانا انفض رجلي وامشي وقلبي انواع الطربقات فيه وامشي واتلفت لعلني المح فارس احلامي
ياربي كلهم بيدنهم نقال شلون بركز على الي معاه اثنين
مير اختي تهزني: حسوسه هذاك هذاك الي قاعد عند الكوفي
انا :أي صح
اختي :يامنعنونه اثره صج يحبج شوفي الضعيف ماد يده برا الطاوله تقول مقطوعه
كل هذا عشان تشوفين النقالين والله شكله مهايط
انا: لوسمحتي لاتغلطين<خلاص لاحبت البنت حبت
مير تجيني ام رعاش وانا ارجف ارجف ..واختي: بسم الله عليج شفيج<يالقفها
انا: اول مره اقابل رجال وخقق بعد مئدرشي
اختي :امشي معي تسندي علي لين توصلين<والله لومسافرين
انا اصحى: لاوالله عشان تاخذينه مني
اختي: قسم ياحسوسه انه خقق <هذا كله هو معطينا مقفاه اجل شلون لونشوف خشته
مير اقرب خطوه وقلبي طرطق وانا الي اوقف وراه احم اعدل الصوت
شوي احس شي لصق جنبي والا اختي وفاتحتن عويناتها فيه
انا اقرصها :انقلعي وراج.. وهي: لالابقعد ..وهذاك قاعد اموت على الرزه ..
قلت :انت ابو شماغ ملكي الي كلمني اليوم
وهو يقوم ويلتفت علي وانا مير اشهق من قلبي<صوت شهقه
وطربق والا مغمي علي ويقعدوني وهو يرش علي ماي
وانا انط :وخر عني لابركتن بهالخشه الودره اعنبوك مدري انصرع من ريحتك والا من خشتك الودره
اعنبوك انا لومكانك ماطلع برا البيت اسوي اعتزال عشان لااخرع الناس واخذ ذنبهم
واختي :حسوسه هدي صوتج.. وانا: اعنبوج ماتشوفين خشته ياخساره قلبي الي قرقع وخساره الجو الي عشته
وهو فاتح فمه ..وانا :سكر فمك لوع الله سبدك وتخزني بعد..
هو :افا ياقلبي ..انا:جعل يقلبون عليك ددسن ولك عين تكلم هص ولاكلمه
هو:انتي شفيج علي ..انا شفيني ياخي قبل لاتشبك بنات الناس لمح لهم عن خشتك عشان لحد ينظلم ويصدق نفسي
وهو يفقع :وانا شذنبي يومنج خقيتي على صوتي ..انا:اااه يالقهر انا بفهم شي واحد شلون هالصوت راكب على هالخشه يالله مناك
وثاني مره كلم البنات مكالمه فيديو توفر على نفسك وعليهم لان بعضهم معاهم القلب ومشالله خشتك تساعد على الجلطه
وانا اطس لبيتنا كلي صدمه وامسح دميعاتي بثوبي واسمع اغنيه عبدالحليم اول مره تحب ياالبي
شنو اقولكم طلع عيد بن شاكر ملك جمال عنده<ياحرام ياعيد حشينا فيه كله منك ياحسوس ذنبه برقبتك
وحرمت ارفع التلفون ولاعاد اخق مع أي صوت
واخيرا
السالفه كلها خربطه بخربطه موتصدقون مير ان قلتها للعظه والعبره <شعنده سقراط
طولت الموضوع ارتحتو
وقسم مخي مقفل تحشيش مش ولابد مير تحملو سماجتي ورزت خشتي< موقلت لكم كرهوني فيكم بس ماش
بس يالله مومكشله<ترا موكلجه مير في واحدن اطرم قالها
وحلفت لامسكها ههههههههههههههه الله بس لايبلانا يقلب ابو الكلام تقول هندي
ملحوظه:نعيد ونزيد بالنسبه للطش اقول الطشو جعلكم تنلطشون من فوق برج
حسوس خيي<يمدحون الماي للورد خخخخ هارد لك خخخخخخ
لكم حبي
الإثنين يونيو 07, 2010 10:51 am